Kitêba Komeleya Jîneweweyê Kurdistanê cara yekê di sala 1998an de li Swêdê-Stockholmê hat weşandin. Piştî weşandinê min hejmarek name ji dost û xwendevanan wergirtin. Di piraniya nameyan de destxweşî li min dikirin û bi pêşniyarên baş û bi feyde min han didan ku ez ji bo hewla nivîsandina babetên dîrokî bûyer diyardeyên Kurdistanê zêdetir binivîsim. Çend gotarên rexnegirî yên li ser kitêbê di kovaran de hatin weşandin ku hemî bi hev re bûn sebebê kêfxweşiya min û ji bo ez bikevim pey daxwazên wan zêdetir ez han dam.