Ez her roce saate ponc u nêm de kar ra vecunune. (Her
roce vanune hama roca bazaru nêgurên.) Des deqey raya
mı esta. Şonune istasyon. Trena mı şeş u nêm de yena. Şonune
çêyê xo. Çêyê mı Derê Areyi de ro. Raya trene necdiye
çewres u howt deqey oncena. Ez ke şıma rê vacine
na raye omrê mı kena derg beno ke şıma pê inam nêkenê.
Heqa şıma ki esta. Uyo ke reyê na raye ra ebe trene nêşiyo
nêzoneno.
Raye Suka Derê Xoriy ra ver kena cı Kormışkan ra vêrena
ra Gangıros Durnekar Viyale Thanji Tumê Muriye
Deşta Derge Hêgayo Pil Ware Verocê Cêri Jiyare ra vêrena
ra yena resena Derê Areyi. Ez xora serba na raye şonune
kari. Sodıranê saatê howti de nison trena xo yenune Suka
Derê Xoriyi. Sandanê peyser sonune. Dere u derxuni dar
u beri pırdi teyr u turi raywani mı rê zaf enteresan yenê.
Her roce na raye ra şonune yenune onciya ki tı vana mı
hona newe diyo heyranê cı manenune.