Beno nêbeno çig caykı çınê beno. Yow mêrdım u yow
ceynekı benê. Yow bonê yın beno. Key yın sey qoğê kiergon
beno. Ino mêrık dierzeney masonê xu gieno şono verê
çemdo xışni. Dierzeney xu ezeno mason tebişneno. Pey ıni
mason idare kenê. Hergo roc yow mase ono. Rocêkı dierzeney
xu gieno şono. Yo eyo roc yow maseyo sur tebişneno.
Kı hındı kı rınd o hındı kı rınd o. Masi erdu roneno mase
kay keno kay keno. Yo vono:
-Mı ıno mase çırray nidiyo. Ino mase heyf o. E ıni masi
gere vierdo.
Eziyeno ey masi serê erdi ra gieno rayna ezeno golı
vono:
-E ıni masi feletneno.
Şono vistikı moneno hındı owniyeno kı ey masi serey
xu vet. Mase vono:
-Hey mêrdım to ez vierdayo. Tı çına dınya ra wazenê
mı ra vacı e Alla Teela rê dehun keno wa bıdo to.
Yo vono:
-Wıllay e çırray çig nêwazeno. Key mı esto mı rê bes o.
Ma mıhtacê yoyi ni ma rê bes o.